أنا مش مهنس ميكانيكي
و لا فني ..و لا و لا تكتيكي
و لا فني ..و لا و لا تكتيكي
و لا روحي لوحة وحرف التي
عايش ف جو رومانتيكي
أسمع حُلُم و أدوب ف الست
و أكتب كتير أشعار فيكي
و أحب صورة الواد و البنت
و إيديا بتهز إيديكي
و أعشق ف شكل الموج ع الشط
مدا طبيعي و ديناميكي
... و أقول مواعظ..صدق..نضال
مخلص لوطني الأنتيكي
و أموت ف ضحكة ف عين أطفال
و اقرا ف قصص الجيب ميكي
و اصرخ كده بجنون لو جون
للأهلي..ضد الأفريقي
يا هل ترى عرفتي أكون مين
أنا مش مهندس ميكانيكي
0 التعليقات:
إرسال تعليق