احترت فيكوا يا اهل مصر

احترت فيكوا يا اهل مصر

كل واحد عايش فى عصر



واحد بيشكى

وقاعد بيحكى 

عن هموم ولا ليها حصر

وواحد بيجرى ورا الدهب

وكل حلمه يبنى قصر


احترت فيكوا يا اهل مصر


فى وقت الكورة...

كلنا حسن شحاتة

والسياسة وقتها كانت تباتة

ما هو الرئيس هو الملك

الشعب يسمع منه اى حاجة



وفى يوم وفى ليلة

كلنا خالد سعيد

وكأن المصرى اتولد تانى من جديد

يصرخ ويدعى ربنا 

يكون شهيد

و أدى دمه سايل على العلم

بيرجع حلم كان بعيد



وقامت الثورة...

والامل اصبح مالينا

نزرع ونبنى 

ونعمر مليون مدينة

واخرتها كانت

كلنا دخلنا فيلم دينا



جاوبينى يا بلد

العيب فى مين

فى الدنيا ولا فينا؟؟؟؟

:D :D :D

MO7AMED GLAL :)